Sunday, July 28, 2013

വ്യഭിചാരിണി (കവിത )



പിഴച്ച പെണ്ണിന്റെ വാക്കുകളിലെ മധുരം 
ചുംബനത്തിനു ഉണ്ടാവുകയില്ല 
ശ്രദ്ധിച്ചു കേട്ടാലോ? അവളുടെ ഇടുപ്പിൽ നിന്നും 
കാട്ടുക്കോഴിയുടെ കരച്ചിൽ കേൾക്കാം

കൈരേഖയിൽ നിന്നും പിഴപ്പിച്ചവന്റെ പേര് 
മായുകയില്ല കിട്ടുന്ന നാണയമെല്ലാം 
അവന്റെ പേരാകും പറയുക, ഒരു ചിരിയോടെ...
അവൾക്കു അതൊരു സുഖമുള്ള വേദനയും ..

പുരുഷന്റെ ഓരോ പകൽ മയക്കങ്ങൾക്കും 
അവൾ പുതപ്പാകും, അവന്റെ ഓരോ 
രോമാരാജികളേയും വിയര്പ്പിച്ചു തന്റെ 
അരക്കെട്ടിനോടവൾ നീതി പുലർത്തും 

ഇരുട്ടിന്റെ പുതപ്പില്‍,ചുമരുകളുടെ മറവില്‍
ഇക്കിളികളില്‍,പുളകങ്ങളില്‍,പുളിനങ്ങളില്‍
അവള്‍ പാലും തേനും,പിന്നെ പൊന്നും
പകൽ മാന്യതകളിൽ അവള്‍ വ്യഭിചാരിണി