Sunday, October 7, 2012

അത്


രണ്ടു താമരപ്പൂവുകളുടെ ഇടയില്‍
നിന്നാണ് എനിക്കത് കിട്ടിയത്
വേവലാതി പിടിച്ച തെക്കന്‍ കാറ്റു
കൊണ്ട് വന്നു ഇട്ടതോ ?
പാതിരാസഞ്ചാരത്തിന് ഇറങ്ങിയ
വെള്ളക്കന്ണന്‍ നത്ത് ഒളിപ്പിച്ചു വച്ചതോ ?
വാതില്‍ പാതി തുറന്നു വന്ന
നിലാവില്‍ നിന്നും കൈ വിട്ടു ചാടിയതോ ?
പാടത്തു കാവല്‍ നിന്ന വെള്ളകൊക്ക്
കാലില്‍  ഒടക്കിയപ്പോള്‍ തട്ടി എറിഞ്ഞതോ ?

അമ്പലക്കടവില്‍ വച്ച്
ചുംബനത്തോടോപ്പം
ഞാനത് അവള്‍ക്കു നല്‍കി
അവള്‍ എനിക്ക് പ്രണയവും ......

Saturday, October 6, 2012

സ്വസ്ഥം


പോരാളികള്‍ തയാറെടുത്തു
ശൂലം, വാള്‍, പരിച,
ആയുധങ്ങള്‍ പലതു
ലോഹം ഒന്ന് തന്നെ
മനുഷ്യനും മതങ്ങളും പോലെ
മനുഷ്യനെ പോലെ ആകാതെ
ലോഹങ്ങള്‍ക്ക് പിന്മാറി
ഒരു വാള്‍ ഒടിഞ്ഞു നിലം പതിച്ചു
ഒപ്പം സുഗന്ധ്യലേപനം പൂശിയ
രാജാവിന്റെ തലയും

ഭരണം മാറി, മഴ മാറി, വെയില്‍ മാറി,
ഒരു വാള്‍ വീണ്ടും നിലം പതിച്ചു
ജയിച്ച ആ  രാജാവിന്റെ ശിരസ്സും ..
പിന്നെയും  ഭരണം മാറി ..

എന്നാല്‍
മാളത്തില്‍....,,,,
മുയല്‍ കുഞ്ഞിനു പാല് കൊടുത്തു
സുഖമായി കഴിയുന്നു  സ്വസ്ഥമായി
മരക്കൊമ്പില്‍ ,,,,
,അടക്കാക്കുരുവി ഇണയോട്
 കൊക്കുരുമി ഇരുന്നു സ്വസ്ഥമായി