Thursday, June 14, 2012

നമ്മുക്കിനി പ്രണയിക്കാം



നമ്മുക്ക് പോകാം ആഗ്രഹങ്ങൾ 
കെട്ടിപ്പടുത്ത ആ ഉദ്യാനത്തിലേക്ക്....
ഇലചിന്തുകളിൽ നമ്മുക്ക് 
പ്രണയം കുറിക്കാം.
പാതി ഉറങ്ങിയ പൂവുകളെ
 നമ്മുക്കു ഉണർത്താം.. 
പൂവിതളുകളെ കാറ്റിന്റെ 
വിശറിയിൽ മാനം മുട്ടിക്കാം
ഉച്ചാസവായുവിന്റെ
 ഉയർച്ച്ചാതാഴ്ച്ചകളെ
 തിരിച്ചറിയാം...
കൺപീലികളുടെ എണ്ണം തിട്ടപ്പെടുത്തി 
നിമിഷങ്ങളെ മുറിക്കാം.
വിലപിച്ചെറിഞ്ഞ ദിനങ്ങളെ
കൈവെള്ളയിൽ വച്ച്കണക്കു പറയാം.
ഉൾമുറിയിലെ പേരില്ലാ 
മച്ചിക്കോഴികളെ മുട്ടയിടീക്കാം.
മഴപാറ്റകൾക്ക് പുലമ്പലുകളെ 
എറിഞ്ഞിട്ടു കൊടുക്കാം
ഇതുവരെ കാണാത്ത പകലുകളെ 
രാക്കടലിന്റെ അടിയിൽ ഒളിപ്പിക്കാം
മുങ്ങികയറുമ്പോൾ ഉടുപ്പിലെ 
ചിതമ്പലുകൾക്ക് മോടി കൂട്ടാം 
സൂര്യചന്ദ്രന്മാരെ പിടിച്ച് കൂട്ടിലടക്കാം
അവർ നമ്മുക്കിനി കാവൽ നില്ക്കട്ടെ.
അപ്പോൾ നമ്മുക്കിനി പ്രണയിക്കാം 
പകല്ച്ചൂടിലും നിലാത്തണുപ്പിലും.