Friday, May 25, 2012

ഭയം

എന്റെ വഴികളിലേക്ക് തിരിഞ്ഞു 
നോക്കാൻ എനിക്ക് ഭയമാണു.
നീ എവിടെ എങ്ങിലും.. 
ഒളിച്ചിരിപ്പുണ്ടങ്ങിലോ?

പണത്തിന്റെ കനം പ്രണയത്തിനില്ലന്നും പറഞ്ഞ് പിരിഞ്ഞു
പോയ ഒൻപതാം ക്ലാസിലെ ഇടുങ്ങിയ വഴികളിൽ...
കൂടെ പഠിക്കുന്നവന്റെ മുഖസൌന്ദര്യത്തിനു മുന്നിൽ
എന്റെ കലകളെ പുശ്ചിച്ചു തള്ളിയ ട്യൂഷൻ ക്ലാസിൽ.. 
അല്പനേരമെന്നും പറഞ്ഞു നീ നഷ്ടപ്പെടുത്തിയ
കലായയത്തിന്റെ ചുവന്ന സായഹ്നങ്ങളിൽ...
വരക്കുന്ന ചിത്രങ്ങളിൽ ഒളിച്ചിരുന്ന് എന്നെ 
ഭ്രാന്തനാക്കിയ എന്റെ ഛായപ്പലകയിൽ..
ചുംബിച്ചുണർത്തിയിട്ട് എന്നേക്കും ഒറ്റപ്പെടുത്തിപ്പോയ 
എകാന്തമായ ഉദ്യാനത്തിലെ ചാരുബഞ്ചിൽ

ഭയമാണെനിക്ക് ഇപ്പോഴും....
ഒളിഞ്ഞിരിക്കുന്ന നിന്റെ സാനിദ്ധ്യങ്ങളെ...

Saturday, May 12, 2012

കവിത പെണ്ണ് .

എന്റെ ഉള്ളില്‍ ഒരു പെണ്ണുണ്ട് .
ഒരു കവിത പെണ്ണ് .
ഭാവനകളുടെ തേനും പാലും കഴിച്ചു 
അവള്‍ യൌവനോക്തയായിരിക്കുന്നു 
തൂലികത്തുമ്പിലൂടെ കടലാസിന്റെ ഉമ്മറത്ത്‌ 
വന്നിരിക്കാന്‍ അവള്‍ക്കു നാണമാണ് 

നുണക്കുഴി കണ്ടു ആരും നുണച്ചിന്നു വിളിക്കരുത് 
നിതംബം മറഞ്ഞ മുടികണ്ട് യക്ഷി എന്നും കരുതണ്ട 
പട്ടുപാവാടയുടെ ഭംഗി കണ്ടു പിടിച്ചു വലിക്കരുത് 
അവള്‍ ഇവടെ സമാധാനത്തോടെ അല്പം 
ഇരിക്കട്ടെ ...എന്തേലും കമെന്റ് പറഞ്ഞോ ട്ടോ ..