എന്റെ മനസ്സ്

എന്റെ മനസ്സ് എങ്ങിനെയാണു
ഇത്ര മാത്രം അഴുകിയത്?
മോഹഭംഗങ്ങളുടെ കരിയിലകൾ വീണു
അടിഞ്ഞതു കൊണ്ടോ?
പ്രവാസമെന്ന ദുരാഗ്രഹത്തിലേക്ക് കാലു
തെന്നി വീണതുകൊണ്ടോ?
സഹപ്രവർത്ത്കരുടെ പരിഹാസചിരിയിൽ
മുറിവേറ്റതുകൊണ്ടോ?
സുഹ്രുത്തുക്കളുടെ കപടസ്നേഹത്തിന്റെ ചിലന്തിവലയിൽ
പെട്ടു പോയതു കൊണ്ടോ?
കിടപ്പറയിൽ അർത്ഥം മാറി വന്ന വാക്കുകൾ
അടികൂടിയതു കൊണ്ടോ?
എന്നേ മരിച്ച എന്റെ മനസ്സിനു ആണ്ടുബലി
ഇടാത്തതു കൊണ്ടോ?
മൂക്കുപൊത്തി മുഖത്തു തുപ്പി കടന്നു പോകുമ്പോൾ
ഒന്നോർക്കുക....മനുഷ്യൻ എന്നായിരുന്നു...
എന്റേയും വിളിപ്പേർ