Saturday, April 21, 2012

എന്റെ മനസ്സ്

എന്റെ മനസ്സ് എങ്ങിനെയാണു
ഇത്ര മാത്രം അഴുകിയത്?
മോഹഭംഗങ്ങളുടെ കരിയിലകൾ വീണു
അടിഞ്ഞതു കൊണ്ടോ?
പ്രവാസമെന്ന ദുരാഗ്രഹത്തിലേക്ക് കാലു
തെന്നി വീണതുകൊണ്ടോ?
സഹപ്രവർത്ത്കരുടെ പരിഹാസചിരിയിൽ
മുറിവേറ്റതുകൊണ്ടോ?
സുഹ്രുത്തുക്കളുടെ കപടസ്നേഹത്തിന്റെ ചിലന്തിവലയിൽ
പെട്ടു പോയതു കൊണ്ടോ?
കിടപ്പറയിൽ അർത്ഥം മാറി വന്ന വാക്കുകൾ
അടികൂടിയതു കൊണ്ടോ?
എന്നേ മരിച്ച എന്റെ മനസ്സിനു ആണ്ടുബലി
ഇടാത്തതു കൊണ്ടോ?
മൂക്കുപൊത്തി മുഖത്തു തുപ്പി കടന്നു പോകുമ്പോൾ
ഒന്നോർക്കുക....മനുഷ്യൻ എന്നായിരുന്നു...
എന്റേയും വിളിപ്പേർ

Wednesday, April 11, 2012

ലൌ ലെറ്റെർ

വളരെ കഷ്ട്ടപ്പെട്ടാണു ഞാൻ ഒരു ലൌ ലെറ്റെർ എഴുതിയത്.
അതു കാമുകിക്ക് കൊടുത്തു.
അവൾ അത് ഒരു ഉമ്മയും കൂടി ചേർത്തു
അവളുടെ മറ്റോരു കാമുകനു കൊടുത്തു...

അവൻ അതു രണ്ടും പിന്നെ പഞ്ചാരവാക്കുകളും
ചേർത്ത് മറ്റൊരു കാമുകിക്ക് കൊടുത്തു..
അവൾ.അതു മൂന്നും പിന്നെ കുറച്ചു പണവും ചേർത്ത്
അവളുടെ രണ്ടാമത്തെ കാമുകനു കൊടുത്തു.

ആ കാമുകൻ അതു നാലും പിന്നെ ഒരു താലിയും
അവന്റെ കാമുകിക്ക് കൊടുത്തു...
അവൾ ആകട്ടെ..അതു അഞ്ചും പിന്നെ ജീവിതവും
അവളുടെ കാമുകനായ എനിക്കു തന്നു.

അങ്ങനെ…

ഞാൻ എഴുതിയ ലൌ ലെറ്റർ എനിക്കു തിരിച്ചു കിട്ടി..
കൂടെ  കുറെ  സമ്മാനങ്ങളും...

കഷ്ട്ട്പ്പെട്ട് എന്തു ചെയ്താലും അതിനു പ്രതിഫലം കിട്ടും...