Sunday, February 26, 2012

രണ്ടിതളുകള്‍



                               എമിലി കുറച്ചു നേരത്തെ ഓഫിസിൽ നിന്ന് ഇറങ്ങി.ലിബിയ വീട്ടിൽ വന്നിട്ടുണ്ടാവും.ഇടക്ക് വിളിക്കാറുള്ളതാണു. ഇപ്പോ അതും ഇല്ല.അവൾക്ക് ടൌണിൽ ഉള്ള ആളുമായിട്ട് പ്രേമം ആണു.അതിന്റെ പേരിലാൺ വഴക്ക് കൂടിയതും.ഞാൻ അവളുടെ ചേച്ചിയാണെന്ന് പൊലും ഓർക്കാതെ...എന്തോക്കെയാ പറഞ്ഞേ...അവൾ ക്വാർട്ടേഴ്സിൽ ഉണ്ടാകും..കൂടെ അവളുടെ കാമുകനും..ലിബിയക്ക് അത്ര ഇഷ്ടമാണെങ്ങിൽ..ഈ ചേച്ചി അതു നടത്തികോടുക്കുമല്ലോ..എതു മതക്കാരൻ ആയാലും..അവളുടെ എതു വാശിയും ഞാൻ നടത്തി കൊടുത്തിട്ട്ല്ലേ ഉള്ളൂ..എന്റെ വിവാഹം കഴിഞ്ഞതിന്റെ അടുത്ത വർഷം മുതൽ അമ്മ അവൾക്ക് ഒരോ ആലോചനകൾ കൊണ്ടുവരുന്നതാണു.ഒന്നും അവൾക്ക് ഇഷ്ടമാകാറില്ല.അതിന്റെ കാരണം ഇതാവും..എന്തായാലും ഇന്ന് അവർ എവിടെ ആയാലും കണ്ട് പിടിച്ചു തിരുമാനം ഉണ്ടാക്കിയിട്ടേ..വിശ്രമം ഉള്ളൂ.. 
അവൾ വിട്ടിൽ ചെന്നപ്പോൾ ലിബിയ വീട്ടിൽ വന്നിട്ടുണ്ടായിരുന്നില്ല.തന്റെ ചുവന്ന മാരുതിക്കാർ എടുത്ത്..ക്വാർട്ടേഴ്സിലേക്ക്.ചെന്നു. 



ലിബിയ അവൾ പുതുതായി നിര്‍മ്മിച്ച കടലാസുപൂക്കള്‍ എല്ലാം നിരത്തിവച്ചു.അതിൽ മഞ്ഞനിറമുള്ള ഒരു പൂവെടുത്ത് ചുണ്ടോടു ചേര്‍ത്തു.അധികം സമയം എടുത്ത് അവൾ ഉണ്ടാക്കിയതും അതു തന്നെയാണു.റൊജറിനു വേണ്ടി ഉണ്ടാക്കിയതാണു അതു.റോജറീനു ഇഷ്ട്ടപ്പെട്ട മഞ്ഞനിറത്തീലുള്ള പൂവ്.ബാക്കി ഒൻപതു പൂക്കളും അവൾ റോജറിനു വേണ്ടിത്തന്നെയാണുണ്ടാക്കിയതും.അവൻ തന്നെ കണ്ട് മടങ്ങുന്ന അന്നു മുതൽ അവൾ ഒരോ ദിവസവും ഒരു പൂവീതം ഉണ്ടാക്കും.ചിലപ്പോ പത്ത് അല്ലേ പന്ത്രണ്ട്..അവരുടെ കൂടിക്കാഴ്ച്ചക്ക് അതിൽ അധികം ദിവസം ഒന്നും അകലം ഉണ്ടാക്കാറില്ല. 

അവൾ ജനാല തുറന്നു ആകാശത്തിലേക്ക് നോക്കി.മേഘങ്ങള്‍ ഇല്ലാത്ത ആകാശം കുട്ടികൾ ഇല്ലാത്ത വീട് പോലെ നിശ്ചലമായി തോന്നി 
മേഘങ്ങള്‍ ആണു ആകാശത്തിന്റെ അനക്കങ്ങൾ. 

റോജർ അവൾ വിചാരിച്ചതിലും നേരത്തെ വന്നു.ആ പൂവുകൾ റോജറിനു നല്കി അവൻ അതിനു പകരമായി അവൾക്ക് ഒരു ഉമ്മ കൊടൂത്തു.ചുണ്ടുകൾ വാക്കുകൾ പുറത്തു വിടാനും.ഭക്ഷണം കഴിക്കാനും മാത്രമല്ല എന്നവൾക്ക് തോന്നി.റോജർ അതിൽ നിന്നും മഞ്ഞപൂവിതളെടുത്ത് അവളുടെ ഇടത്തെ കവിളത്തെ കറൂത്ത മറുകിൽ തൊടൂവിക്കുകയും ജനാലതുറന്ന് അതു ആകാശത്തിലേക്ക് എറിയുകയും ചെയ്തു.അതു കണ്ട നിലാവു മരച്ചില്ലകൾക്കിടയിൽ ഒളിച്ചു.മറ്റൊരാളുടെ പ്രണയസമ്മാനം സ്വീകരിക്കണ്ടാ എന്നു വിചാരിച്ചാവും..ഗ്രഹങ്ങൾക്ക് മര്യാദകളൊക്കെ അറിയാമായിരിക്കും..ചിലപ്പോൾ മനുഷ്യരെക്കാൾ എറെയും അതാണല്ല്ലോ പണ്ട് ചന്ദ്രനിൽ കാലു കൂത്താൻ ചെന്ന നീല്‍ ആം സ്ട്രോങ്ങിനെ സ്നേഹത്തൊടെ സ്വീകരിച്ചത്. 

തീൻ മേശയിൽ അവൾ റോജറിനായി ഒരുക്കിയ വിഭവങ്ങൾ നിരത്തി വച്ചു.അവർ ഒരുമിച്ചിരുന്ന് കഴിക്കുകയും ചേയ്തു. 

റൊജർ: നീ എപ്പോഴാണു എന്നെ ആദ്യമായി കണ്ടത്? 

ലിബിയ: സെമിത്തെരിയിൽ വച്ച് നീ നിന്റെ മമ്മയുടെ കല്ലറയിൽ പൂക്കൾ അർപ്പിച്ച് വരികയായിരുന്നു.ഞാൻ എന്റെ പപ്പായുടെ കല്ലറക്കരികിൽ പ്രാര്‍ഥിക്കുകയായിരുന്നു.കൂടെ എന്റെ മൂത്തസഹോദരി എമിലിയും ഉണ്ടായിരുന്നു. 
റോജർ: ആ കണ്ണുനീർ തുള്ളികളിൽ നിന്നായിരുന്നു നമ്മുടെ പ്രണയം...ഞാനിപ്പോൾ മറ്റൊരാളുടെ ഭർത്താവാണു..എന്നാലും..നിന്നെ സ്നേഹിക്കുന്നു.ശരിയായ പ്രണയം തിരിച്ചറിയാതെ.എടുത്ത് ചാടിയതായിരുന്നു എന്റെ തെറ്റ്.. 

ലിബിയ: കടലോളം പ്രണയം ഉള്ളിൽ ഉണ്ടായിട്ടും ഒരു തുള്ളിപൊലും പുറത്ത് കാണാതിരുന്നതല്ലെ എന്റെ തെറ്റ്.. 

റൊജർ :തെറ്റുകൾക്ക് നഷ്ട്ട ജിവിതത്തെ തിരിച്ച് തരാൻ കഴിയില്ലല്ലോ തിരിച്ചു തരാൻ കഴിയുന്നതു..വീണ്ടും വീണ്ടും ചെയ്യാൻ കഴിയുന്ന തെറ്റുകൾ മാത്രം.. 

ലിബിയ : നമ്മുടെ ബന്ധം എമിലിക്ക് ഇഷ്ട്ടമല്ല.പല തവണ താക്കീത് തന്നിട്ടുണ്ട്. അവൾക്ക് വിഷമം ആകും എന്നറിഞ്ഞിട്ടും....എമിലി എന്റെ മൂത്തസഹോദരി മാത്രമല്ല ..അമ്മയെ പോലെയാണു എനിക്കവൾ.. 

റോജർ :ഞാൻ ഒരു ഭർത്താവാണു എന്നാലും നമ്മുടെ പ്രണയം പ്രണയമല്ലാതാകുന്നില്ലല്ലോ... 

ലിബിയ : എത്ര ശ്രമിച്ചിട്ടും..റൊജർ...എനിക്കു നിന്റെ സംഗീതത്തിനോപ്പം ചുവടുകൾ വെയ്ക്കാതിരിക്കാൻ കഴിയുന്നില്ല.നിന്റെ ചിത്രങ്ങൾക്ക് മുഖം തരാതിരിക്കാനും... 

റോജർ :നീ എന്നെ മനസ്സിലാക്കുന്നു എന്നതിന്റെ തെളിവാണത്..ഒരിക്കൽ പോലും എന്റെ ഭാര്യ എന്റെ ചിത്രങ്ങളെ നോക്കുക പോലും ചെയ്തിട്ടില്ല.

            

എമിലി കാർ ക്വാർട്ടേഴ്സിന്റെ അരികിൽ പാർക്ക് ചെയ്തിട്ട്.അവളുടെ അടുത്തേക്ക് ചെന്നു.ലിബിയ ചെടികൾ നന്നക്കുകയായിരുന്നു.ചേച്ചിയെ കണ്ടതും ലിബിയ ഞെട്ടി.മുറിയിൽ നിന്നും ഇറങ്ങി വരുന്ന ആളെ കണ്ട് എമിലിയും ഞെട്ടി.തന്റെ ഭർത്താവ് റോജർ..കബനി ടൂർ എന്ന് പറഞ്ഞു ഇടക്കു പോകാറുള്ളത് ഇങ്ങൊട്ടണല്ലേ..ചേട്ടനും അനിയത്തിയും ആണു ഇവർ.എന്നിട്ട്... 

എമിലി അനിയത്തി ലിബിയയ്യോട് : നിങ്ങൾക്ക് ഇങ്ങനോരു ബന്ധം.ഈ ചേച്ചിയോട്..ഇങ്ങനെ... 

വാക്കുകൾ പൂർത്തികരിക്കാൻ ആവാതെ..എമിലി കാറിന്റെ അടുത്തേക്ക് ചെന്നു.. 

ഡ്രൈവ് ചെയ്തു പോകുംബൊൾ അവൾ മനസ്സിൽ വിചാരിച്ചു ..റോജറിനു എന്നിൽ നിന്നു ലഭിക്കാത്തത് എന്തോ അവളിൽ നിന്നു കിട്ടി അതാണല്ലോ..അപ്പോ എന്റെ ആവശ്യം,,ഇല്ല 

അമിതവേഗത മരണതിനു കാരണമാകുമെന്ന് അറിയാവുന്നതു കൊണ്ട് കാറിന്റെ വേഗത അവൾ കൂട്ടി 

Sunday, February 19, 2012

മക്കൾ മഹാത്മ്മ്യം..




വയസ്സരായ മൂന്നു പേർ തങ്ങളുടെ മക്കളുടെ മഹിമകളെ പറ്റി സംസാരിക്കുകയാണു.

ഒരാൾ : എന്റെ മോൻ ആസ്ത്രെലിയയിൽ എൻ ജിനിയർ ആണു..അരലക്ഷം രൂപായാ അവന്റെ ശബളം.അവൻ വേലക്കാർക്ക് കൊടുക്കുന്നതു പതിനായിരങ്ങൾ ആണു ശബളം..ഞങ്ങളെ നോക്കാൻ അവൻ ഡോക്ട്ടരെ വച്ചിട്ടുണ്ടു.എന്താ അവന്റെ സ്നേഹം..

രണ്ടാമത്തെ ആൾ : എന്റെ പൊന്നുമോൻ ദുബായിൽ ഡോക്ട്ടർ ആണു.എസി മുറിയിലാ അവൻ താമസിക്കുന്നേ.. സാന്റ്രൊ കാർ അവൻ തന്നതാ..ഞങ്ങളെ നോക്കാൻ മൂന്ന് നേഴ്സുമാരെയാ അവൻ വിട്ടിൽ നിർത്തിയിരിക്കുന്നത്.

മൂന്നാമത്തെ ആൾ : എന്റെ മോൻ കൂലിപ്പണിക്കാരൻ ആണു..പണികഴിഞ്ഞു എത്ര വിഷമിച്ച് വന്നാലും ഞങ്ങൾ ചോറുണ്ടോ? എന്നറിഞ്ഞട്ടേ അവൻ കഴിക്കൂ..
..........            ...........          ...................           ..................         ................          

മരിച്ചു പോയ തന്റെ പിതാവിന്റെ സ്വത്തുക്കൾ ഭാഗം വെക്കുകയായിരുന്നു മക്കൾ മൂന്നു പേരും.ഒരാൾ സ്വർണ്ണകിണ്ടി എടുത്തു.മറ്റേയാൾ പണപ്പെട്ടി എടുത്തു.
ഇളയയാൾ എടുത്ത്ത് പിതാവ് ഉപയോഗിച്ചു കൊണ്ടിരുന്ന മമ്മട്ടിയായിരുന്നു.
അതു കണ്ട മൂത്തവർ അവനെ കളിയാക്കി.
അപ്പോൾ അവൻ പറഞ്ഞു
നമ്മുടെ പിതാവു ഈ മമ്മട്ടി കൊണ്ടാണു ഈ കാണുന്നവ എല്ലാം ഉണ്ടാക്കിയത്.