Monday, October 31, 2011

ഗോപാലചരിതം



വലത്തോട്ട് തിരിഞ്ഞാല്‍ നാലാമത്തെ വീട് ,
 ഉസ്മാനിക്കയുടെ വിട് അന്വേഷിച്ചു വന്നവരോട് ഗോപാലന്‍  പറഞ്ഞ മറുപടിയാണിത്. താടി വച്ച് മൌലവിയെ പൊലെ തോന്നിക്കുന്നയാള്‍ ഗോപാലനോട്‌ നന്ദിയും പറഞ്ഞു. വണ്ടിയുടെ ബാക്ക് സീറ്റില്‍ ഇരുന്ന മക്കന ഇട്ട പെണ്‍കുട്ടി പുഴുപ്പല്ല് കാട്ടി ചിരിക്കുകയും ചെയ്തു. വണ്ടി ദൂരെ മറയുന്നത് വരെ അത് നോക്കി നിന്നു സന്തോഷത്തോടെ ഗോപാലന്‍ മടങ്ങി. പക്ഷെ ഗോപാലന്റെ സന്തോഷം മൌലവി  നന്ദി പറഞ്ഞതിലോ, ആ കുട്ടി പുഴുപ്പല്ല് കാട്ടി ചിരിച്ചതിലോ ആയിരുന്നില്ല. വണ്ടിക്കാരനെ വഴി തെറ്റിച്ചു വിട്ടതില്‍ ആയിരുന്നു...!  ഗോപാലന്‍ ഇങ്ങനെയാണ് പെരുമാറുക , മേത്തന്‍മാരോട് മാത്രമാണ് ഇത്.
     
                              ഗോപാലന്‍ ഒരു മുസ്ലിം വിരോധി ആണ്. കാരണം എന്താണെന്നു ചോദിച്ചാ പറയുന്നത് ചെറുപ്പത്തില്‍ നടന്ന ഒരു സംഭവം ആണ്.  എഴാം ക്ളാസ്സില്‍ പഠിക്കുന്ന കാലം...  പാല് വാങ്ങി വരുന്ന സമയത്ത് മദ്രസ്സയില്‍ പോയി വരുന്ന  കുട്ടികള്‍ ഗോപാലനെ പാടത്തേക്കു തള്ളിയിട്ടു. അതില്‍ ഒരുത്തന്‍ മച്ചിങ്ങ വച്ച് തലക്കിട്ടു ഒരു ഏറും കൊടുത്തു. ചെളിയില്‍ പൂണ്ടു പൊന്തി വന്ന അവനെ നോക്കി കുട്ടികള്‍ കൈ കൊട്ടി ചിരിക്കുകയും ചെയ്തു. അന്ന് തുടങ്ങിയ വിരോധം ആണ് ! എന്നാലും നാട്ടുകാര്‍ അവനെ ഒറ്റപ്പെടുത്തിയില്ല, കാരണം അവന്റെ അച്ഛന്‍ ഒരു നല്ല മനുഷന്‍ ആയിരുന്നു. ഒരു കമ്മ്യൂണിസ്റ്റ്കാരന്‍,  ദേവി വിലാസം നാരായണന്‍ , എല്ലാവര്‍ക്കും ഉപകാരിയാണ് . മദ്യത്തില്‍ നിന്നും മറ്റു ലഹരി വസ്തുക്കളില്‍ നിന്നും യുവാക്കളെ പിന്‍തിരിപ്പിക്കുകയായിരുന്നു അവരുടെ ലക്‌ഷ്യം. അതുകൊണ്ട് തന്നെ ഗോപാലനും യാതൊരു ലഹരിവസ്തുക്കളും ഉപയോഗിച്ചിരുന്നില്ല.
ഗോപാലന്റെ അച്ഛന്‍ പറയുന്നത്  "ഈ ഹിന്ദുക്കള്‍, പ്രത്യേകിച്ചും യുവാക്കള്‍ മടിയന്മാരാണ്.  108 ഉപനിഷത്തുക്കള്‍  ഉണ്ട് .നാലു വേദങ്ങളും.  അതിലൊരെണ്ണം വായിക്കുവാനോ, പഠിക്കുവാനോ ഒന്നിനും മനസ്സില്ല. മറ്റു മതങ്ങളെ കുറ്റം പറയാന്‍ സമയം ഉണ്ട്,.എന്റെ മോനെ പൊലെ" 

                    ഗോപാലന്റെ ഈ വിരോധം നാട്ടുകാര്‍ ഒരസുഖമായി കണ്ടു... ആദ്യം മനസ്സിനെ ബാധിക്കും, പിന്നെ കണ്ണുകളിലേക്കു .. നാവിലേക്ക്... അവസാനം രക്തത്തിലേക്കും..
                     ഗോപാലന്‍ ഒരു തയ്യല്‍ജോലിക്കാരന്‍ ആയിരുന്നു. മേത്തന്‍മാരുടെ തുണി കിട്ടിയാല്‍ താമസിച്ചേ കൊടുക്കുകയുള്ളൂ... അമ്പലത്തിനു അടുത്ത് ചായക്കട നടത്തിയിരുന്നത് മീരാന്‍കുട്ടി എന്നാ മുസല്‍മാന്‍ ആയിരുന്നു. അയാളെ അവിടുന്ന് ഓടിക്കാന്‍ കിണറ്റില്‍ നന്ജു കലക്കി! റേഷന്‍ കടക്കാരനു  'വസീം ആക്രത്തിന്റെ' മുഖച്ഹായ എന്നും പറഞ്ഞു അവിടെ   പോകാറുമില്ല ഈ വിദ്വാന്‍ !
                             
                                  അമ്പലത്തില്‍ പോവുകയാണ് ഗോപാലന്‍ , കൈയില്‍ പാല്‍പ്പായസം കഴിപ്പിക്കാനായി പാല്‍ പാത്രം കൈയ്യിലുണ്ട്‌. മനസ്സില്‍ വിഷവും !  പാല്‍പ്പായസവും ഒരു ആഖോര മന്ത്രപുഷ്പ്പാന്ജലിയും ഭഗവാനു നേദിച്ചു. അല്പം കൂടി വിശ്വാസിയായി പുറത്തിറങ്ങി... ശങ്കരന്‍ നായരുടെ കടയില്‍ നിന്നും ചായ കുടിച്ചു. പേരിന്റെ കൂടെ വാല് ചേര്‍ക്കുന്നത് ഗോപാലന് ഇഷ്ട്ടമായിരുന്നു, പക്ഷെ ഗോപാലന് അത് കിട്ടിയില്ല, കാരണം അച്ഛന്‍ കമ്മ്യൂണിസ്റ്റ്  ആണല്ലോ.. മനുഷനെ തിരിച്ചറിയാന്‍ ഒരു പേര് മതി, അതിനു വാല് വേണമോ!  വാല് ചേര്‍ത്തിടുന്നവര്‍ ജാതി ഭ്രാന്തന്‍മാരാണ്.. ഏതോ കപട ലോകത്ത് ജിവിക്കുന്നവര്‍.
                    നായരുടെ ചായ കുടിച്ചു ഗോപാലന്‍ തയ്യല്‍ കടയിലേക്ക് നടന്നു... അല്പം നടന്നപ്പോള്‍ നായരുടെ പശുവിനെ  റോഡരികില്‍ കെട്ടിയിരിക്കുന്നത് കണ്ടു. ആ ഭാഗത്തെ പുല്ലു തീര്‍ന്നിരിക്കുന്നു. അത് കണ്ടപ്പോ ഗോപാലന് വിഷമമായി. പശു നായരാണല്ലോ..` അതിനെ മാറ്റി കെട്ടാന്‍ തിരുമാനിച്ചു കയറില്‍ പിടിച്ചപ്പോള്‍ നായരുപശു ഒറ്റ ചവിട്ട്. പശുവിനറിയില്ലല്ലോ ഗോപാലന്‍ നായരാന്ന്... ! റോഡിലേക്ക് തെറിച്ച ഗോപാലനെ,     അതിലെ വന്ന ടിപ്പര്‍ ലോറി അവിടുന്നും തെറിപ്പിച്ചു. ചോരയില്‍ കുളിച്ചു കിടന്ന ഗോപാലനെ എല്ലാവരും ചേര്‍ന്ന് ആശുപത്രിയില്‍ എത്തിച്ചു.
 
  ആശുപത്രി വരാന്തയില്‍ നിരവധി പേരുണ്ടായിരുന്നു.. എല്ലാവര്‍ക്കും ഒരേ ഭാവം, ഒരേ മുഖച്ഹായ, ശോകത്തിന്റെ.... വെളുത്ത വസ്ത്രവും, കറുത്ത മനസ്സും ഉള്ള നേഴ്സുമ്മാര്‍ ഓടി നടക്കുന്നുണ്ട്. ഒരു പോളിസി എജെന്റ്  ആള്‍ക്കാരെ വശത്താക്കാന്‍ നടക്കുന്നുണ്ട്. കാവി ധരിച്ചു സന്യാസിയെ പൊലെ തോന്നുന്ന ആള് പറയുന്നു, "എനിക്ക് പോളിസി ഒന്നും വേണ്ട, കാരണം സ്‌ത്രീകളുമായി എനിക്ക് ബന്ധമില്ലല്ലോ.."  
 
                           "ഗോപാലന് o+ve രക്തം ആവശ്യമുണ്ട്" വെളുത്ത മുഖവുമായി വന്ന   നേഴ്സ്‌   അലറി... കൂടി നില്‍ക്കുന്നവരില്‍ ബീരാന്‍ കുട്ടിയുടെ ചോര അതായിരുന്നു, ബീരാന്‍ ഒരു മടിയും കുടാതെ  ചോര കൊടുത്തു... മൂന്നു ദിവസം കഴിഞ്ഞാണ് ഗോപാലന് ബോധം തെളിഞ്ഞത്. അപ്പൊ ഗോപാലന്‍ വിളിച്ചത് 'ന്റെ റബ്ബേ..' എന്നായിരുന്നു... കേട്ടുനിന്നവര്‍ അതിശയിച്ചു.
"ഞാന്‍ മൂന്നു  ദിവസം  പൊന്നാനിക്കു പോയതായിരുന്നു...  യുസഫ് മുസ്ലിയാരുടെ അടുത്ത്. എല്ലാ ദിക്കരുകളും പഠിച്ചു."" ല ഇലാഹ ഇല്ല ള്ള മുഹമ്മദ്‌ റസൂല് ള്ളാ..

          പൊന്നാനിയിലെ മുസലിയാര്‍ മത പണ്ഡിതനായിരുന്നു. അദ്ദേഹം മരിച്ചിട്ട്   വര്‍ഷങ്ങള്‍ കഴിഞ്ഞിരുന്നു...  അതറിഞ്ഞു  എല്ലാവരും  അതിശയിച്ചു. ആസ്പത്രി വിട്ട ഗോപാലന്‍ മുസ്ലിങ്ങളെ പോലെയാണ് പെരുമാറിയത്. ഇടത്തോട്ട് മുണ്ട് ഉടുക്കുക, വുളു എടുക്കുക, നിസ്ക്കരിക്കുക, മാത്രമല്ല നേരത്തെ ദ്രോഹിച്ച ആളുകളെ കാണുമ്പോള്‍ ക്ഷമ പറയുകയും അവര്‍ക്കായി സല്‍ക്കാരങ്ങള്‍ നടത്തുകയും ചെയ്തു! എന്നിട്ട് അവരോടു പറയും, "ഗീതയും ബൈബിളും ഖുറാനും ഓക്കെ ഈശ്വരന്‍ നമുക്ക്  വേണ്ടി ഇറക്കിയതാ.. അതില്‍ ഏറ്റവും  ആവസാനം ഇറക്കിയത് ഖുറാനാ, അതുകൊണ്ട് സാധാരണ ജനങ്ങള്‍ക്ക്‌ അറിഞ്ഞിരിക്കേണ്ട  നീതി നിയമങ്ങള്‍ അതിലുണ്ട്." എന്ന് !

                              ഗോപാലന്‍ പിന്നെ ഇസ്ലാം സ്വീകരിച്ചു. ഹജ്ജ്  കര്‍മ്മവും നടത്തി. അങ്ങനെ ഗോപാലന്‍ , ഹാജി ആയി... മുസ്ലീം ആയി എങ്കിലും അദ്ധേഹത്തെ 'ഗോപാലന്‍ ഹാജി'  എന്നേ നാട്ടുകാര്‍ വിളിച്ചുള്ളൂ... പിന്നീടു അയാള്‍ നാട്ടുകാര്‍ക്ക്  നല്ല കാര്യങ്ങളെ ചെയ്തുളൂ...

         ......                        ................                 .................  ..........            ............
"ഒന്ന് കാണാനൊക്കുമോ?"  ജുമൈലത്ത്  ചോദിച്ചു "ദാ അവിടെ ആവരുടെ ഒപ്പം ഇരുന്നോ" വരാന്തയിലേക്ക്‌ കൈ ചുണ്ടി കാര്യക്കാരന്‍ എന്ന് തോന്നിക്കുന്ന ഒരു വയസന്‍ പറഞ്ഞു. വരാന്തയില്‍
മൂന്നുനിരയായി ഇട്ടിരുന്ന കസേരകളില്‍ രണ്ടോ മൂന്നോ എണ്ണമേ ഒഴിവുണ്ടായിരുന്നുള്ളു. അതില്‍ 
 ജുമൈലത്ത് കുട്ടിയുമായി ഇരുന്നു. "എന്നാ പറ്റി?" അടുത്തിരുന്ന മക്കന ഇട്ട ഇത്ത ചോദിച്ചു. "പൊള്ളുന്ന പനിയാ.. രാത്രി ഞെട്ടുകയും ചെയ്യും..  പേടിക്കണ്ട, ഹാജി ഒന്ന് തൊട്ടു ഉഴിഞ്ഞാല്‍ മതി, അപ്പൊ മാറിക്കൊള്ളും ഏതു ആസുഖവും ..."
 അവള്‍ സമാധാനിച്ചുകൊണ്ട് ഉമ്മറത്തെ നെയിം ബോഡ് നോക്കി ...
'ഗോപാലന്‍ ഹാജി
 ദേവി വിലാസം വീട്' 

Sunday, October 30, 2011

ഗിരിജ

ഗിരിജ ഓടി രക്ഷപെടുകയായിരുന്നു .
.എന്നാലും .വിട്ടില്ല ആ കാലമാടന്‍ ...പുറകെ കൂടി ..
നിവര്‍ത്തിയില്ലാതെ ...അവള്‍ ഉറക്കെ കരഞ്ഞു ...
അവസാനം അവന്‍ ഗിരിജയെ കിഴ്പ്പെടുത്തി ..
കണ്ടു നിന്നവര്‍ ഒന്നും ചെയ്തില്ല ..കൂട്ടത്തില്‍ ഒരു 
വൃകൃതിപയ്യന്‍ പറഞ്ഞു ..
ഒരു പൂവന്‍ കോഴിയായി ജനിച്ചാല്‍ മതിയാര്‍ന്നു

Saturday, October 29, 2011

പാവം പുരുഷന്മാര്‍ ...


പാവം പുരുഷന്മാര്‍ ...

പാവം പുരുഷന്മാര്‍ ...ലേഖന പരമ്പര ഭാഗം 2



ഞാന്‍ ഇവിടെ എഴുതുന്നത്‌ സ്ത്രീ കളുടെ സ്വഭാവ ധൂക്ഷത്തെ പറ്റിയാണ് ..മാത്രമാണ്. ഈ പരമ്പരയുടെ ആദ്യഭാഗത്തിന്  നല്‍കിയ പ്രോത്സാഹനത്തിനു നന്ദി.
ചിലര്‍ അനാവശ്യം  ആണ് മെയില്‍ ചെയ്തത്.എന്തായാലും പറയാന്നുള്ളത് .എഴുതുകയാണ് ...പുരുഷന്‍മാരുടെ ഹതഭാഗത്തെ കുറിച്ചേ  പറയുന്നുള്ളൂ.സ്ത്രീകളെ കുറിച്ചല്ല.
    
     എനിക്ക് നേരിട്ട് പരിചയമുള്ള ആളാണ് .ഈ ഹതഭാഗന്‍ .സ്വന്തം അമ്മയും സഹോദരിയും പിന്നെ ഭാര്യയും ചേര്‍ന്ന് .ടിയാന്റെ  ജിവിതം ആത്മഹത്യാ വരെ എത്തിച്ചു.ഇത് വളരെ വിവരിച്ചു പറയാന്‍ കഴിയില്ല. കാരണം ജിവിചിരിപ്പുള്ളവര്‍ക്ക് അത് ദോഷം ചെയ്യും. ടിയാളെ..നമ്മുക്ക് വിവേക് എന്ന് വിളിക്കാം. ടാപ്പിംഗ് ജോല്യ്ക്കാരന്‍ ആണ് .വിട്ടില്‍ അയല്‍പക്കം കാരായി അമ്മയും സഹോദരിയും പൊരിഞ്ഞ വഴക്ക് .സ്വതസിദ്ധമായ ആവരുടെ കഴിവ് ആവര്‍ വിനയോഗിച്ചു.അവസാനം തല്ല്‌ നടന്നു. വിവേക് വന്നപ്പോള്‍ കാര്യം അറിയിച്ചപ്പോള്‍ .അവന്‍ ക്ഷമിക്കാന്‍ പറഞ്ഞു.വിവേചന ബുദ്ധിയില്ലാത്തവര്‍ പിറ്റേ ദിവസവും ജോലി (വഴക്ക് ) തുടങ്ങി.ഈ തവണ അയല്‍പക്കക്കാരി ഭര്‍ത്താവിന്റെ അടുത്ത് പറഞ്ഞു.തന്റെ പ്രിയതമക്ക് വേണ്ടി മരിക്കാന്‍ വരെ തയാറായ ഭര്‍ത്താവു   പേര് ദിനേശന്‍  (മറ്റൊരു ഹതഭാഗന്‍ ) പോലീസിന്  കേസ് കൊടുത്തു.വിവേക്  പണി കഴിഞ്ഞു വന്നപ്പോ  അമ്മയും സഹോദരിയും തല തല്ലി കരഞ്ഞു  കാര്യം പറഞ്ഞു.
ദിനേശന്‍ കൊല്ലെട ..എന്നാ അവര്‍ ആക്രോശിച്ചത് ..ടാപ്പിംഗ് കത്തിയെടുത്തു മകനെ ഏല്‍പ്പിച്ചു.സ്നേഹനിധിയായ മകന്‍ മടിച്ചു മടിച്ചു നിന്നു.മൂന്നാളും കൂടി അയല്‍പക്കതെ  വിട്ടിലേക്ക്‌  ചെന്നു.
അത് കണ്ട ദിനേശന്‍  വിവേകിന്റെ അമ്മയെ  ചീത്ത വിളിച്ചു. അവസാനം..കത്തി ഉപയോഗിക്കേണ്ടി വന്നു.ദിനേശന്‍  മരണപ്പെട്ടു .വിവേക് നാട് വിട്ടു....ഇതിനിടയില്‍ ഒരു പാട് ..സംഭവങ്ങള്‍ ഉണ്ട്.പറയുന്നില്ല.

           നാട് വിട്ട വിവേക് ഒരു പാട് വിഷമം സഹിച്ചു..ഒരു നാലു വര്ഷം കഴിഞ്ഞു വന്നു.പ്രശ്നങ്ങള്‍ ഒതുക്കി തീര്‍ത്തു സമാധാനമായി അയാള്‍ ജിവിതം തുടങ്ങി  പിന്നീടു ഒരു വിവാഹവും തരപ്പെട്ടു 
ഭാര്യ ദുസ്വഭാവം ഉള്ളവള്‍ ആയിരുന്നു.ഭാര്യയുടെ രഹസ്യബന്ധം  മനസ്സിലാക്കിയ വിവേക് ആത്മഹത്യാ ചെയ്തു. 
          
ഇത്  എങ്ങനെ ഫീല്‍ ചെയ്യുമെന്ന് അറിയില്ല ...കാരണം ..ഇത് കഥയല്ല ..ജിവിതം ...ആണ് ..
ക്ഷമിക്കുക ...ജിവിതം എഴുതാന്‍ എനിക്കറിയില്ല ....കുറവ് ഉണ്ടാകും 

Thursday, October 27, 2011

പാവം പുരുഷന്മാര്‍ ...

പാവം പുരുഷന്മാര്‍ ...ലേഖന പരമ്പര ഭാഗം 1  

സ്ത്രികള്‍ ഇപ്പോഴും പുരുഷന്മാര്‍ക്ക് നഷ്ട്ടങ്ങള്‍ ആണ് .ആദ്യം തന്നെ നട്ടെല്ല്ന്റെ  പാതി,പിന്നീടു ഓരോ അവയവം.എന്തിനു പറയുന്നു  സ്ത്രി കാരണം ജിവിതം തന്നെ നഷ്ട്ടമായ പുരുഷന്മാര്‍ ഉണ്ട്.ഇങ്ങനെ ഒരു പരമ്പര എഴുതാന്‍ കാരണം ഒരു വാരികയില്‍ വന്ന കണ്ണിരും കിനാവും എന്ന സ്ഥിരംപക്തിയാണ്. അതില്‍ അധമന്‍മാരായ പുരുഷന്മാരെ മാത്രമേ കാണിക്കുന്നുള്ളൂ ....

           പെണ്‍കുട്ടികള്‍  ഇറുകിയ ജീന്‍സും ഷേര്‍ട്ടും ധരിച്ചു ഉയര്‍ന്ന മാറിടങ്ങളും മുഴുത്ത നിതംബങ്ങളും കുലുക്കി ആണ്ക്കുട്ടികളുടെ മൊബൈല്‍ ക്യാമറക്ക്‌ മുന്‍പില്‍ തുള്ളി ചാടുമ്പോള്‍ ആ ഹതഭാഗ്യരായ  ആണ്ക്കുട്ടികള്‍ അറിയുന്നില്ല ഇവര്‍ നാളെ കേസുകൊടുക്കുമെന്നു.ആ ഹതഭാഗ്യരേ പിന്നെ നമ്മള്‍ കാണുന്നത് ജയില്‍ അഴിക്കുള്ളില്‍ ആയിരിക്കും..
            പുകവലി ശരീരത്തിന്റെ ചില ഭാഗങ്ങള്‍ നശിപ്പിക്കും,മദ്യം കരളു നശിപ്പിക്കും ചിലപ്പോ മരണവും,  എന്നാല്‍ ചില സ്ത്രികളും ആയുള്ള ബന്ധം മരണത്തിനെക്കാള്‍ ഏറെ ഭയാനകമായ ജിവിതമാകും ഉണ്ടാക്കുക. ഈ പരമ്പരയില്‍ ഞാന്‍ പറയാന്‍ ഉദ്ദേശിക്കുന്നത്  പുരാണത്തില്‍ നിന്നും,ചരിത്രത്തില്‍ നിന്നും ഉള്ളതും ചിലത് കേട്ടറിഞ്ഞതും കണ്ടറിഞ്ഞതും ആയ സ്ത്രികളുടെ ദുഷ്ട്ട ചെയ്തികള്‍ ആണ് .അപ്പോള്‍ അടുത്ത പോസ്റ്റില്‍ കാണാം ... 

Wednesday, October 26, 2011

പരിശുദ്ധ പ്രണയം


രണ്ടു പേര്‍ വിഷമിച്ചിരിക്കുന്നു..
ഒരാണും  ഒരു പെണ്ണും ...
"ഇവളെ എങ്ങിനെ ഒഴിവാക്കാം എന്ന് ആണ്
ഇവനെ എങ്ങിനെ പറ്റിക്കാമെന്ന് പെണ്ണും!"
കോഫി ഷോപ്പില്‍ ...
അവന്‍ അവളുടെ കാലുകളില്‍ ...കാല് കൊണ്ട്  
തഴുകി ...കവിളില്‍ ഉമ്മവച്ചു ...
അവള്‍ ..ഈശ്വരാ ആരെങ്കിലും കണ്ടിരുനെങ്ങില്‍...
പതിനായിരം  ഒത്തേനെ..
അവന്‍ ..മൊബൈല്‍ എടുത്തു വീഡിയോ ഓണാക്കി ..
പതിനായിരം ഒത്താലോ? 
അവര്‍  പരിശുദ്ധരായി   പ്രണയിച്ചു ....

Tuesday, October 25, 2011

എല്ലാവര്ക്കും എന്റെ ഹൃദയം നിറഞ്ഞ 
ദീപാവലി ആശംസകള്‍ 

Friday, October 21, 2011

ശാന്ത


ഞാന്‍ ശാന്തയാണ്.
ഒരു രാജകുമാരി 
വേദനകളെ ചുമരുകള്‍ക്ക് കരച്ചിലായി ഇട്ടു കൊടുത്തു,അതിന്റെ പ്രതിധ്വനിയില്‍ വിണ്ടും വിഷമിക്കുന്ന ഒരു രാജകുമാരി ,വെറുതെ ഉദ്യാനത്തിലേക്ക് നോക്കി .അവിടെ വയസ്സന്‍ ആല്‍മരത്തിലെ ഇലകള്‍ തമ്മില്‍ അടി കൂടുകയാണ് .പൊരിഞ്ഞ തല്ല്‌.മതിയായ അസഭ്യങ്ങള്‍ ആണ് വിളിച്ചു കൂവുന്നത് ,സഹോദരന്‍മാര്‍ ആണെന്ന്  പോലും ഓര്‍ക്കുന്നില.എല്ലാം കേട്ട് സഹിച്ചു നിക്കുകയാണ് ആല്‍മരം .എന്തെങ്ങിലും പറഞ്ഞ ഒരിലയും അനുസരിക്കില്ല .വയസ്സായ പിന്നെ എല്ലാവര്ക്കും ഒരു പുച്ഛമാ.ഭാരം അത് മരമായാലും മനുഷനായാലും..
             എന്റെ   സഹോദരന്മാരെ എനിക്കൊത്തിരി ഇഷ്ട്ടാ..പക്ഷെ...അവര്‍ക്ക് അങ്ങനെ അല്ല,അച്ഛനും അമ്മയ്ക്കും അങ്ങനെ തന്നെ.അതാണല്ലോ വേറെ ആളെ വളര്‍ത്താന്‍ ഏല്പിച്ചത്.വേരോടെ പിഴുതെറിയുക ആയിരുന്നു.ഒന്ന് തിരിഞ്ഞു നോക്കിയിട്ട് പോലുമില്ല. പിന്നെ ഇവര്‍ക്ക് കുട്ടികള്‍ ഇല്ലാത്തതിനാല്‍ ഒരിടം കിട്ടി. എന്നാലും എനിക്ക് വേണ്ടത് സഹോദരന്മാരുടെ സംരക്ഷണവും സ്നേഹവും അല്ലെ.അച്ഛനും അമ്മയും ഉണ്ടായിട്ടും അവരുടെ പേര് പോലും പുറത്തു പറയാന്‍ കഴിയാത്ത ഒരു ജന്മം .എന്തൊരു വിധിയാണ് ഇശ്വരാ..പേര് ശാന്ത എന്നായി പോയി ആല്ലേ ക്ഷുഭിത ആകാമായിരുന്നു...വിശേഷ ദിവസങ്ങളില്‍ സദ്യ ഉണ്ണുമ്പോള്‍ സഹോദര്മാരുടെ കയ്യിനു ഒരു ഉരുള കഴിക്കാനും ആ മുര്ധാവില്‍ ഒന്ന് ചുംബിക്കാനും ഇത്ര കൊതിയുണ്ട്ന്നോ .സഹോദരന്മാരില്‍ മൂത്ത ആളെ  എല്ലാര്ക്കും വലിയ ഇഷ്ടടമാണ്.ആരാധിക്കുന്നു ശ്രി നാരായണന്റെ അവതരമാണല്ലോ. ശ്രിരാമന്‍.എന്നാ ഈ ചേച്ചിക്ക് മാത്രം ഒന്ന് കാണാനോ സംസാരികുവാണോ സാധിച്ചില്ല .എന്തായാലും ദശരഥമഹാരാജാവിന്റെ ആദ്യത്തെ സന്താനം ഞാനാണല്ലോ .
                            ഇവിടെ ആണെങ്ങില്‍ എല്ലാകാര്യം നോക്കി നടത്താന്‍ ഒരാള്‍ അത്ര തന്നെ.രാജകുമാരി എന്നത് ഒരു പേര് മാത്രംഎല്ലാ ആണുങ്ങളെ പോലെ ദുഷ്ട്ടത്തരങ്ങള്‍ ഈ അച്ഛനും ഉണ്ട്.ഒരു പാട് നികുതി ഓക്കെ ചുമത്തിയാ..ഖജനാവ്‌ നിറക്കുന്നെ...

                        ഇവിടെ ഇപ്പോ ഉത്സവം ആണ്.ആട്ടവും പാട്ടും കൂത്തും ഓക്കെയുണ്ട്.ഒരു പാട് നാളായിരുന്നു മഴ പെയ്തിട്ടു.ഒരു മുനികുമാരന്‍ വന്നു മഴ പെയ്യിച്ചേ ..അതിന്റെയാ ഉത്സവം.ഈ മുനികുമാരനെ കാട്ടില്‍ വിളിക്കാന്‍ പോയത് വൈശാലി എന്നാ ദേവദാസിയും അവളുടെ അമ്മയും കൂടിയാ. വൈശാലി  അച്ഛന്റെ യഥാര്‍ത്ഥ മോളാ.ഈ ആണുങ്ങളുടെ നെറികേടിന്റെ മറ്റൊരു ഉത്തരം ഈ മുനികുമാരന്റെ അമ്മ ഒരു മാന്‍പേട ആണത്രേ ..അപ്പൊ മൃഗങ്ങളില്‍ പോലും പെണ്‍ വര്‍ഗത്തിന് സമാധാനം ഇല്ലാന്നെര്‍ത്ഥം.

   മഴയും പെയ്തു ...ഇപ്പൊ വൈശാലിയും അമ്മയും പടിക്ക് പുറത്തു.മുനികുമാരന്റെ പെണ്ണായി എന്നെ തിരഞ്ഞെടുത്തു.ഏത്ര നാള്‍ ഉണ്ടാകുമോ എന്തോ ? ആ വൈശാലി ഈ മുനികുമാരനെ എത്ര മാത്രം സ്നേഹിചിട്ടുണ്ടാവും.ഞാന്‍ മാത്രം വൈശാലിയെ കുറിച്ച് ഓര്‍ത്തു  വിഷമിച്ചു.


Saturday, October 8, 2011

അച്ചായന്റെ ആകാശം

നമ്മള്‍ വിചാരിക്കുന്നത് അത്രയും തെറ്റാണു
 ആകാശം ഒരു കുടയല്ല 
ഏഴ് വര്‍ണങ്ങള്‍ ഉള്ള നൂലുകൊണ്ട് 
പാകിയെടുത്ത പരവതാനിയാണ്
ദേവന്മാര്‍ അതിനു മുകളില്‍ ജീവിക്കുന്നു 
പിന്നിപോയ നൂല് വകഞ്ഞു 
മഴയായി ഭൂമിയെ അവര്‍ ചുംബിക്കുന്നു
അതില്‍ തളിര്‍ത്തു മരങ്ങള്‍ വളരുന്നു 
പരവതാനിയുടെ വേഗത കാറ്റിനോട് 
തോക്കാറുണ്ട് ,വഴക്കിടാറുണ്ട്
അപ്പൊ ഇടിമിന്നല്‍ ഉണ്ടാകാറുണ്ട് 
അച്ചായന് ഇത്രയേ അറിയൂ ...
മറ്റൊരാള്‍ 
നമ്മള്‍ വിചാരിക്കുന്നത് അത്രയും തെറ്റാണു
ആകാശം ഒരു  പരവതാനിയല്ല 
പിന്നെ .....അത് ....